(الزاوج ام الدراسة) ايهما في صالح الفتاة؟؟

كل عائلة ولها وجهة نظرها من ناحية هالشي وناس تبي تزوج بنتها علشان مثل مايقولون الشرف وجدي وكلامهم الي مايخلص..ومن وجهة نظري ان الزواج المبكر وخصوصا البنات وفي وقت دراسة طبعا لا بيكون بينهم مشاكل ومثل ماقلت انت بعد يعني زواج وفي دراسة لا طبعا

ويسلموو أخووي على الموضوع الحلوو

يسلموا اختي على المرور ..

نورتي الموضوع ..

الدراسة أهم لين درست تقدر تشتغل وتأمن المصرف ولو تطلقت ماتموت من الجوع

سلام......

اول شي ببدي بمثل وهو:كل شي بوقته حلو
وبما ان الفتاه في مرحله الدراسه مفروض تركز ع دراستها بس
هذا معناته ان ما تشغل روحها بأي ارتباط
ومن راايي بعد ان لما يجيها نصيب قبل ما تتخرج
تتأنى شووي وما توافق!!لأن هذا طبعا بيسوي لها وشوشه في تركيزها بالدرااسه
ما في شي بالدنيا اهم من الدراسه
لأن الدراسه بترسم لها اسم عوود
وبتوديها فوووق
اما الزواج فلاحقه عليه
اهم شي ترفع راس اهلها بشهاده تشرف...

شكرا ..طرح مميز
تحياتي الملاك الأبيض

SaLmAn كتب:

موضوع يقبل النقاشات من جميع ابوابه .. فانا في وجه نظري انه لامانع من زواج الفتاة وهي في حاله الدراسه ولماذا فقط الفتاه حتى الشاب .. لانه اذا كان الشاب العازب في مرحله الدراسه وكانت هذه المرحله مختلطه فهو كليوم بخلي اعيونه على وحده الا اذا كان يخاف من الله وهذه نادرا منقرضه وقليل مانجده هذه في الايام او الا اذا كان متزوج او خاطب فبهذا الزواج سوف يخجل من نفسه وسوفى يرى انه يخون زوجته او خطيبته كما ذكر سابقا ..فعندما يرى الخيانه سيتوقف عن النظر يمين وشمالا وسوف يقيس انا الان انظر الى تلك الفتاه والى غيرها هل ساقبل بانه زوجتي تنظر وتنظر فسيتوقف .. فلاداعي الى التاجيل بحسب الدراسه ولو كان الزوج والزوجه عدهم امتحان كل واحد يراجع ويه الثاني مو احسن من كل واحد يراجع ابروحه فهذه وجه نظري بالنسبه الى هذه الموضوع وانتظر تعليكم على وجه نظري



تحياتي

أولا:
يعني الواحد يتزوج وهو يدرس وبدل ما هو يصرف على مرته أهله يصرفوون عليها
اسمح لي اني مو وياك في هذي
يعني يتزوج علشان لا يطالع في البنات
الي يبي الصلاة ما تفوته
وإذا هو يبي يطالع في البنات بيطالع
سواء كان متزوج أو لا
إذا على جذيه الصبيان المراهقين لازم يخطبون ليهم
ويعرسونهم وهم بعدهم جهال على شي اسمه عرس

ثانيا :
البنية ما في مانع إنها تتزوج وتكمل دراستها
إذا هي تبي تكمل تشرط منالبداية إنها تكمل دراستها
هذا إذا كان في سن يسمح للزواج
مو تكون توها في إعدادي أو بداية الثانوي
هني ما أييد إنها تترتبط لأنها بعدها صغيرة على الزواج

مع إحترامي لك اخوي وللكل
بس هذي وجهة نظر
وإختلاف الرأي لا يفسد في الود قضية

تحياتي